Kjo është një faqe jozyrtare e Sport Klub Tirana, dhe në veçanti e Futboll Klub Tirana. Kjo faqe është përpjekja e parë modeste për të paraqitur ngjyrat e magjishme bardheblu në Internet, dhe si e tillë ka vend për përmirësime të vazhdueshme. Autori i saj ia hyri kësaj ndërmarrjeje i shtyrë vetëm nga pasioni e nderimi i thellë për Tironën e atë që ajo përfaqëson për qindra mijra tifozët e saj. Për të gjitha këto, janë të mirëpritura të gjitha vërejtjet, sugjerimet e materialet e mundshme, në mënyrë që kjo faqe të jetë përherë në nivelet e Tironës së lavdishme.

Qëndrimet dhe opinionet e shprehura në këto faqe, nëse nuk specifikohet ndryshe, nuk përfaqësojnë në asnjë mënyrë qëndrime zyrtare të SK Tirana, por vetëm pikëpamje personale të autorit.

Interneti është sot mjedisi më demokratik që ekziston, i krijuar për të përçuar e ndarë informacion në të katër anët e rruzullit, dhe ku çdonjëri mund të thotë fjalën e vet pa asnjëlloj pengese, sado absurde qoftë ajo. Duke qënë autori i këtyre faqeve thellësisht i bindur se është domosdoshme që Rrjeti të vazhdojë të mbetet i tillë, asnjëlloj e drejte mbi materialet e paraqitura këtu nuk është e rezervuar.  Ato mund të përdoren lirisht nga kushdoqoftë. Mbetet në ndërgjegjen e përdoruesit që të përmendi burimin e informacionit, ashtu siç kërkohet nga rregullat (e pashkruara) të mirësjelljes në Rrjet (Netiquette).

This page in english